Jørgen Brønlund – Allaffigeqatigiinneq – En Brevveksling
(Qallunaatut kalaallisullu)
Brønlund, Jørgen & Pedersen, Ane Marie B. (aaqq)
Jørgen Brønlundip nammineq allagaatai Nunatta katersugaasiviani allagaateqarfianilu katersanut ilaapput. Atuakkamiipput allakkat assigiinngitsut 1907-mi ilisimasassarsiorluni angalanermini, Danmarksekspeditionimi, ukiuni alianartumik toqunissaa sioqqutilaarlugu Jørgen Brønlundimut allagarineqarsimasut. Aamma Jørgen Brønlundimit allanneqarsimasunik arlalinnik allakkanik imaqarpoq. Allakkat ukiup 1900-ip nalaani inuunermik sakkortuumik puioruminaatsumillu atuartumut misigisaqartitsipput.
Jørgen Brønlund – Allaffigeqatigiinneq – En Brevveksling 204-nik qupperneqarpoq aamma Atuakkiorfimmit Atuagkat-nit saqqummersinneqarluni.
Atuagaq Nunatta katersugaasiviani kioskimi pisiarineqarsinnaavoq. Katersugaasiviup kioskiani akeqarpoq: 228 DKK