Nunatta Allagaateqarfia

Nunatta allagaateqarfia 1991-imi Nunatta katersugaasivianut atalerpoq. Tassani nunatsinni pisortat inuinnaallu allagaataat tigoorarneqartarput. Nunarput pillugu nunatsinneersullu allagaatit pillugit apeqqutit tassunga paasiniarneqarsinnaapput.
Allagaaterpassuit pigineqarput, pisoqaanersaat 1733-imeersut. Avannaani Naalagaqarfiit niuertoqarfiillu allagaataat pigineqarput, pisoqaanersaat 1782-imeersut, aamma Paarsisutoqqat misissuisullu, kommunerådit, atuarfiit, palaseqarfiit il.il. allagaataat. Allagaatit pisoqqat amerlanersaat Hans Hedtoft 1959-imi kivimmat kiggussaapput. 

Allagaatit
Allagaateqarfiup 31. decembari 2009 allagaatai 3372-meterinik annertussuseqartut, tassaapput:

Palaseqarfiit allagaataat: Atuagarsuit, inuit allattorsimaffii, ajoqersuisut allagaataat,
Allakkat, oqaluussissutit, ajoqit ullorsiutaat, atuarfiit allagaataat il.il.
Naalagaqarfiit allagaataat: Kujataani Avannaanilu naalagaqarfiit/landsfogedit allagaataat: skemanngorlugit nalunaarutit, kisisitsisinngorlugit nalunaarutit, inuit amerlassusii, pisanik allattuiffiit, Paarsisut, kommunet sysselrådit il.il. ataatsimiissutaat.
Niuertut allagaataat: Allakkat, niuertorutsit allagaataat, inuit allassimaffii, atuakkat najoqqutassat, kalaallit atuagaataat, naatsorsuutit, skemanngorlugit nalunaarutit il.il.
Kommunet allagaataat: allakkat, atuarfiit allagaataat, journalsagit il.il.
Ilinniarfissuup allagaatai: allakkat, oqaluussissutit, ilinniartut karakteerii, skemat il.il.
Inuinnaat allagaatat maannakkut pigisat 80-upput.