Allagaateqarfimmiittunik atuinermut tunniussinermullu tunngasunik allagaateqarfimmut saaffiginninnerit:
Nunatta Allagaateqarfia
Postboks 1090, 3900 Nuuk
Tlf. normua +299 362330
Fax +299 362331
E-mail arkiv@arkiv.gl
Soraarummeernermut allagartat
Allagaateqarfik ilinniarfinni amerlasuuni soraarummeernermut uppernarsaatit kopiivinik piniarfigineqarsinnaavoq. Taanna 300 kruuneqarpoq, siumut aningaasanngorlugu checkinngorluguluunniit akilerneqassalluni, imaluunniit NKA-p Grønlandsbankemi kontoanut ikineqarsinnaalluni. Akilerneranut atatillugu NKA, P.O. Box 1090, DK-Nuuk-mut allaganngorlugu bestillerneqassaaq nalunaarlugu “soraarummeernermut uppernarsaat”. Taanna piginerlugu Allagaateqarfiup uppernarsarsinnaanngilaa, tamakkua Allagaateqarfimmut tunniunneqannginneranni tammarsimasinnaammat. Akiliut tassaavoq soraarummeernermut uppernarsaatip ujarneranut akiliutissaq, nassaarineranuunngitsoq. Nassaarineqanngikkaluarpalluunniit akiliut utertinneqarsinnaangilaq.
Siuaasanik paasiniaaneq
Atuagarsuarni siuaasanik paasiniaaneq Ilimmarfiup atuakkanik atorniartarfiani ingerlanneqartarpoq atuagarsuit tassaniimmata. Ilimmarfiup isaariaatigut isereernerpit kingorna majuartarfissuartigut majuarnikkut inersuaq atuartarfik nassaarisinnaavat.
Inersuarmi atuartarfimmi atuakkanik atorniartarfiup ammanerata nalaani siuaasanik paasiniaasoqarsinnaavoq:
Ataasinngorneq 10-15
Marlunngorneq 11-16
Pingasunngorneq 13-16
Sisamanngorneq 11-16
Tallimanngorneq 10-15
Inuit sinnerlugit toqqorsivik siuaasanik paasiniaaneq ajorpoq, siunnersorneqarnissarli ilitsersuunneqarnissarlu pisariaqartikkaanni piffissami nal. 10 aamma 15-ip akornanni ulluinnarni toqqorsivimmi sulisoq inersuarmut atuartarfimmut aggersarneqarsinnaavoq. Inersuarmi atuartarfimmi atuagarsuit atorneqarnissaat erseqqinnerusumik uani atuaruk ’Siuaasanik paasiniaanermi ilitsersuut’ (word-fiili). Siuaasanik paasiniaanerup aallartinnissaa sioqqullugu atuarneqarnissaanik kaammattuutigineqartunik siunnersuutinik ilitsersuutinillu pitsaasunik ilitsersuut aamma imaqarpoq.
Atuagarsuit nittartakkatsinniittut uani aamma takukkit.
Statens Arkiver Danmarkimi - E-learning pikkorissarneq – goterit allanneri:
http://www.sa.dk/Elearning_og_webudstillinger/brug_arkivet/elearn/gotisk/default.htm