Pisortat suliffiutaat nalinginnaasumik
Toqqortassanik inissiinermut, tunniussinermut kasiiliisarnermullu tunngatillugu apeqquteqartoqarniarpat toqqorsivimmut toqqaannartumik saaffiginnittoqassaaq. Toqqortassanik tunniussinissaq sioqqullugu toqqorsivik tamatigut isumaqatigiissuteqarfigineqartariaqarpoq.
Quppersakkami ’Pisortat suliffiutaasa toqqortaat’-ni ulluinnarni sulinermi kiisalu kasiiliisarnermi tunniussinermilu toqqorsivimmi isumagisaqarneq pillugu pissutsini assigiinngitsuni siunnersuutit ilitsersuutillu nassaarineqarsinnaapput. Quppersagaq uani word-fiilinngorlu (qallunaatut) aaneqarsinnaavoq imaluunniit toqqorsivimmut attaveqartoqarneratigut naqitanngortitaq (kalaallisut qallunaatullu) pissarsiarineqarsinnaavoq.
Kommunit
Kommunit eqqarsaatigalugit toqqorterisarnermut kasiiliisarnermullu tunngatillugu aalajangersakkat immikkut ittut atuupput. Taakku uani takuneqarsinnaapput: ’Kalaallit Nunaanni kommunini allagaatinik toqqorterisarneq kasiiliisarnerlu pillugit aalajangersakkat’ (pdf-fiili).
Allagaateqarfik attaveqarfigiuk
Ilitsersuutit aalajangersakkallu naqitat iluaqutaalluarsinnaapput. Toqqorterisarnermut, aaqqissuussinermut, tunniussinermut kasiiliisarnermullu atatillugu tamatigut apeqqutissaqartuaannartarpoq. Toqqorsivimmi passussinermut tunngatillugu nangaasoqalissappat nalorninartoqassappalluunniit siunnersortinniarluni aamma ilitsersuutsinniarluni toqqorsivimmut tamatigut saaffiginnittoqartarnissaa kaammattuutigaarput.
Toqqorsivimmi sulisut kiisalu toqqorsivimmut qanoq attaveqarsinnaanerit pillugu paasissutissat tassani nassaarisinnaavatit.