Pisortatut oqartussaniit toqqortat tunniunneqarneri
Pisortatut oqartussat imaluunniit sullissivik toqqortanik Nunatta allagaateqarfianut tunniussiniartillugu tunniussineq, ataani allaaserineqartut, arlalinngorlugu ingerlanneqassaaq.
Toqqortanut matusartut, nalunaaqutsersuineq il.il. pillugit teknikikkut immikkoortunut tunngasut erseqqinnerusumik paasisaqarfiginiarlugit ‘Pisortat sullissiviisa allagaataat’ pillugit ilitsersuut takujuk.
1. Tunniussinissap pilersaarusiornera
Siullermik tunniussinissaq pillugu oqartussat NA-mut atassuteqassapput. Tamatuma kingorna NA oqartussallu peqatigiillutik tunniussinerup imaa, annertussusia allagaatinullu attuumassuteqarsinnaasunik paasissutissanik allanik allaaserinnissapput.
2. Allagaatit/tunniussinerup suliarinera
Tunniussinissaq pillugu uppernarsaatit pisariaqartinneqartut (allakkanik nalunaarsuiffik toqqorsiveqarnermullu pilersaarut) oqartussamit pissarsiarineqassapput tamatumalu kingorna tunniussineq isumagalugu. Allagaatinik aaqqissuussineq tassaavoq:
Tunniussinermut atasumik allakkanik nalunaarsuiffik imaluunniit toqqorsiveqarnermut pilersaarut malillugu atortunik immikkoortiterineq.
Atortussaajunnaartitsinermut aalajangersakkat atuuttut malillugit tunniunneqartussaanngitsut atortussaajunnaartinneqassapput. Atortussaajunnaartinneqartut inummut mianernartunik paasissutissanik imaqarpata atortut illersorneqarsinnaasumik toqqorsimaannarneqassapput imaluunniit nakkutigineqarlutik aserorterneqarlutik.
Tunniussiussanik poortuineq. Allagaatini pisariaqanngitsut tamarmik peerneqarsimassapput (sulianiittunik piiaaneq) – ilaatigut annertussusaat annikillisinniarlugit, ilaatigut toqqortat poortorneqarsimasut aserorneqarnissaat pinngitsoortinniarlugit mappit, kiggittartut aalajangersimasumik ikkunneqarsimanngitsut, inissiiviit plastikkit, tasisartut assigisaallu peerneqarsimassapput.
Sulianiittunik piiaareertoqarneratigut toqqortat matusartunut eqqortunut poortorneqassapput aamma NA-mi malittarisassat malillugit nalunaaqutsersorneqarlutik.
Matusartut suunik imaqarnerinik, qanoq annertutiginerinik tunniussinermullu naleqqiullugu inuk attavigisassaq/akisussaasoq allallugit tunniussat oqartussamit nalunaarsorneqassapput. Tunniussat nalunaarsorneqarnerat Nunatta allagaateqarfianit tiguneqaraangat akuerineqaraangallu tunniussisoqarsinnaavoq. Sullissivik tunniussisuusoq tamatuma kingorna tunniussinermut uppernarsaammik tigusaqassaaq.
4. Malittarinninneq
Tunniussinermi kukkusoqarsimappat amigaateqarlunilu toqqortat Nunatta allagaateqarfiani torersitinnissaannut sullissivik aningaasanik akileeqquneqarsinnaavoq. Kukkunerit amigaatillu makku toqqorsivimmi sulisut iluarsaassinerannut akiligassanngortinneqarsinnaapput:
-
Toqqortat matusartuniit amigartumik kukkusumilluunniit nalunaarsorneqarsimaneri
-
Sulianiittut peerneqarsimanngippata
-
Toqqortanut matusartut allat atorneqarsimappata
-
Toqqortat torersarneqarsimanngippata – toqqortanut atasumik allakkanik nalunaarsuiffik imaluunniit toqqorsiveqarnermut pilersaarut malinneqarsimanngippat